خواب میں جهود شدن (یہودی ہونا) کی تعبیر - Khwab main Jhood Shudn, Yahoodi, Jewish Hony ki tabeer

خواب میں جهود شدن (یہودی ہونا) کی تعبیر

خـوابــوں کـی ســر زمین

حضرت ابن سیرین رحمتہ اللہ علیہ نے فرمایا ہے کہ اگر کوئی خواب میں دیکھے کہ وہ یہودی ہو گیا ہے تو دلیل ہے کہ بدعت کی راہ پر چلے گا اور یہودیوں کی مدد کرے گا اور ان کی بات پر یقین کرے گا۔ اگر کوئی خواب میں دیکھے کہ وہ یہودی یا عیسائی یا مشرک یا بت پرست ہوا ہے۔ تو یہ اُس کی گمراہی اور ضلالت کی دلیل ہے اور حق تعالی پر بہتان اور جھوٹ کہے گا۔ اور اگر دیکھے کہ اس مذہب سے پھر کر مسلمان ہو گیا ہے تو دلیل ہے کہ اُس نے کوئی بڑا گناہ کیا ہے اور پھر اس سے توبہ کرے گا اورحق تعالی کی طرف رجوع کرے گا۔ اور اگر خواب میں دیکھے کہ وہ اپنے آپ کو دین سے بے علم جانتا ہے اور اُس کو پتہ نہیں ہے کہ کس قبلے کی طرف نماز پڑھے تو دلیل ہے کہ سرگشتہ اور حیران اور عاجز ہو گا۔ حضرت جعفر صادق رحمتہ اللہ علیہ نے فرمایا ہے کہ اگر کوئی دیکھے کہ یہودی ہو گیا ہے تو دلیل ہے کہ صاحب خواب کو مشکل کام پڑے گا اور شرعی سنت کی مخالفت کرے گا۔ اگر خواب میں آتش پرست کو دیکھے تو دلیل ہے کہ صاحب خواب دنیا پر فریفتہ ہو گا اور آخرت کے کام سے غفلت کرے گا۔ اور حضرت جابر مغربی رحمتہ اللہ علیہ نے فرمایا ہے کہ اگر یہودی خواب میں دیکھے کہ مسلمان ہو گیا ہے تو دلیل ہے کہ جلدی مرے گا یا مسلمان ہو گا۔