خواب میں کعبہ شریف دیکھنا - Khawab main Kaba Sharif Dekhna

 

خـوابــوں کـی ســر زمین

کعبہ شریف

حضرت ابن سیرین رحمتہ اللہ علیہ نے فرمایا ہے کہ خواب میں کعبہ شریف کا دیکھنا خلیفہ اسلام کو دیکھنا ہے اور ہر ایک شخص کا کعبہ ہے جو زیادتی اور نقصان کہ کعبہ میں دیکھے گا خلیفہ اسلام میں ہوگی۔ اگر دیکھے کہ اُس نے کعبے کا طواف کیا ہے تو اس کے دین کی صلاح پر دلیل ہے اور خلیفہ اسلام راحت پائے گا۔   اور اگر دیکھے کہ اُس نے احرام باندھا ہوا ہے اور رُخ کتبے کی طرف ہے۔ تو اس کی صلاحیت کی زیادتی ہے، اور اگر دیکھے کہ اس کا مکان کعبہ ہو گیا ہے اور لوگ زیارت کو آتے ہیں۔ دلیل ہے کہ امانت کی حفاظت کرے گا اور عزت اور مرتبہ پائے گا۔   حضرت جابر مغربی رحمتہ اللہ علیہ نے فرمایا ہے۔ اگر بادشاہ دیکھے کہ کعبہ میں گیا ہے۔ دلیل ہے کہ خلیفہ سے بزرگی پائے گا اور اگر دیکھے کہ کعبہ گرا ہے یا جلا ہے۔ دلیل ہے کہ خلیفہ کا حال برا ہو گا اور اگر دیکھے کہ اس نے کعبے میں سے کوئی چیز لی ہے۔ دلیل ہے کہ اُس کو خلیفہ سے فائدہ ہوگا اور اگر دیکھے کہ کعبہ میں نماز پڑھی ہے۔ دلیل ہے کہ خلفاء سے اُس کا کام عمدہ ہو گا۔   حضرت ابراہیم کرمانی رحمتہ اللہ علیہ نے فرمایا ہے کہ کعبے کا اصل ایمان اور مسلمانی ہے اور اگر اپنے آپ کو کعبے میں دیکھے۔ دلیل ہے کہ دشمن کی طرف سے شرارت سے امن میں رہے گا اور اس کی دعا قبول ہوگی، فرمانِ حق تعالیٰ ہے کہ و من دخلہ کان امنا ( اور جو شخص اس میں داخل ہو گا امن میں ہو گا۔)   اور اگر دیکھے کہ حجر اسود کی طرف رخ کر کے بوسہ دیتا ہے۔ دلیل ہے کہ حج کرے گا اور اگر دیکھے کہ آنحضرت میں تعلیم کی قبر مبارک کی زیارت کر رہا ہے یا مقام ابراہیم علیہ السلام کو دیکھا ہے۔ دلیل ہے کہ حج کو جائے گا اور سلامتی سے واپس آئے گا اور اگر اپنے آپ کو کعبہ کی چھت پر دیکھے تو بد مذہب ہونے پر دلیل ہے۔   حضرت جعفر صادق رحمتہ اللہ علیہ نے فرمایا ہے کہ خواب میں کعبہ چار وجہ پر ہے۔ (۱) خلیفہ (۲) امام (۳) ایمان اور مسلمانی (۴) خوف سے سب طرح کا امن